Wjace pjenjez za sportownju w Barće

srjeda, 29. decembera 2021
artikl hódnoćić
(0 )

Indeks twarskich płaćiznow, twarske planowanje a archeologiske dźěła žadaja sej za twar noweje sportownje w Barće přidatne srědki. Wokrjesny sejmik Budyšin je 750 000 eurow přizwolił.

Budyšin/Bart (SN/at). Za nastawace wyšošulske stejnišćo Bart je twar noweje sportownje jako 1. twarski wotrězk wažny měznik. W přichodźe maja tam šulerki a šulerjo ze sewjerowuchodneho dźěla Budyskeho wokrjesa a předewšěm z Malešanskeje gmejny wot 5. hač do 10. lět­nika wuknyć. Da su časej wotpowědo­wace wuměnjenja za šulski sport runje tak požadane kaž za wólnočasnu zaběru w sportowych towarstwach.

Najprjedy pak maja twarske dźěła na objekće dokónčić, kotrež buchu lětsa w meji zahajene. Za to su w aktualnym budgeće Budyskeho wokrjesa cyłkowne kóšty něhdźe 2,99 milionow eurow předwidźane. Tele srědki pak njedosahaja, měni Budyski wo­krjes jako šulski nošer a twarski knjez. Wokrjesny sejmik měješe na posedźenju spočatk decembra wo při­zwolenju přidatnych pjenjez rozsudźić.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND