Pokazuja Bože narodki ze wšeho swěta

wutora, 11. januara 2022
artikl hódnoćić
(0 )
Farar Daniel Jordanov přeproša na aktualnu wustajeńcu Božich narodkow, kotraž je hač do 2. februara w Klětnjanskej cyrkwi widźeć.  Foto: Andreas Kirschke Farar Daniel Jordanov přeproša na aktualnu wustajeńcu Božich narodkow, kotraž je hač do 2. februara w Klětnjanskej cyrkwi widźeć. Foto: Andreas Kirschke

Klětno (AK/SN). Wosebita wustajeńca 50 Božich narodkow je hač do 2. februara pod hesłom „Pod našej třěchu“ w Klětnjanskej ewangelskej cyrkwi widźeć. Wone­ su wobstatk wulkeje zběrki, kotrež je Margrit Kempgen ze Zhorjelca pře­wostajiła. Za požčonki je Klětnjanska wosada Zhorjelčance jara dźakowna, praji Klětnjanski farar Daniel Jordanov. „Přehladka steji w zwisku z našim předewzaćom, třěchu a fasadu cyrkwje ponowić“, farar Jordanov rozłožuje.

Wustajeńca pokazuje někotružkuli wosebitosć, mjez druhim ludowuměłski narodk z Ukrainy, hlinjany z Italskeje a tajki z jandźelemi a hudźbu z Francoskeje. Z Pólskeje pochadźa narodk, kiž je do skory topoła rězbarjeny. Dalšej narodkaj z drjewa stej z El Salvadora a z afriskeho Kameruna. Z Philippinow je widźeć narodk z papjery a dalši z kćenjowych łopješkow. Skupinka figurow z Vietnama samo za cymtom wonja. Tež ze Zhorjelca je Boži narodk pódla. „Wón nasta za čas NDR w tamnišej wagonowni“, Daniel Jorda­nov rozprawja, „tam mějachu paslenski kružk, a tón zhotowi narodk w 1980tych lět ze seloweho ćěsta.“

wozjewjene w: Lokalka
Prošu přizjewće so, chceće-li komentar podać

nawěšk

nowostki LND