Lětsa februar najpožadaniši poručenje

štwórtk, 20. januara 2022
artikl hódnoćić
(0 )
Najpožadaniši termin za stawniske zmandźelenje je lětsa w Němskej 22. februar. Tak změja tež na hornjołužiskich stawnistwach z palencowej ličbu 22.2.22 tójšto dźěła.  Foto: dpa/Rolf Vennenbernd Najpožadaniši termin za stawniske zmandźelenje je lětsa w Němskej 22. februar. Tak změja tež na hornjołužiskich stawnistwach z palencowej ličbu 22.2.22 tójšto dźěła. Foto: dpa/Rolf Vennenbernd

Stawnistwa Hornjeje Łužicy hotuja so předewšěm na „palencowy“ termin

Budyšin (SN/bn). Lětsa najpožadaniši termin za stawniske wěrowanja po cyłej Němskej je 22. februar. Tak mjenowana palencowa ličba 22.2.2022 drje wosebje wabi. Tež wjetšina stawnistwow Hornjeje Łužicy změje tón dźeń wjele dźěła.

„Tuchwilu mamy dokładnje 22 přizjewjenjow za stawniske zmandźelenje, při čimž dotal žane naprašowanje za jenakosplažne wěrowanje dóšło njeje. Tež za wuraznje serbskim ceremonielom so hišće nichtó wobhonił njeje. Wosebje požadany je 22. februar“, stawnica města Kulowa Irena Nowakowa na naprašowanje zdźěli. Tež w Budyšinje je mjenowany „pa­lencowy“ termin najwoblubowaniši. „Za tón dźeń mamy dotal šěsć naprašowanjow a dwě přizjewjeni“, zdźěli nowinska rěčnica měšćanskeho zarjadao Josephine Brinkel. „Dohromady je so po nětčišim stawje 93 porikow wěrowanja dla naprašowało. Přeja-li sej ceremoniju w serbšćinje – tajke próstwy dochadźachu a dochadźeja –, tomu rady wotpowědujemy.“

wozjewjene w: Lokalka
Prošu přizjewće so, chceće-li komentar podać

nawěšk

nowostki LND