Kulow (SN/MWj). Wupadnjenych lětušich póstniskich zarjadowanjow dla je so Kulowske karnewalowe towarstwo rozsudźiło, póstnisku zabawu minjeny pjatk online ze swojeho towarstwoweho domu wusyłać. Za nje móžeše so hač do tysac zajimcow přizjewić. Wo techniskej kwaliće pak běchu přihladowarjo přesłapjeni, kaž prezident karnewaloweho towarstwa Mathias Glaab hišće samsny wječor při­zna. Tohodla skićachu hižo kónc tydźenja składnosć, sej produkciju po cyłej dołhosći hišće raz wobhladać.