Wobšudnicy z nowym wašnjom

štwórtk, 10. měrca 2022
artikl hódnoćić
(0 )

Budyšin (SN/MWj). W Budyskim a Zhorjelskim wokrjesu jewja so wot januara tohole lěta pady wobšudnistwa, za kotrež skućićeljo nowe wašnje nałožuja. Před tym policija wuraznje warnuje, a to nic jeno staršich ludźi. Nowe wašnje funguje tak, zo wobšudnicy kontakt k swojim woporam přez WhatsApp nawjazuja. Woni wudawaja so jako syn abo dźowka a rozprawjeja, zo su swoje šmóratko zhubili abo zo je wone skóncowane. Tohodla so z cuzym čisłom přizjewjeja. Na to proša wo to, zo bychu jim přiwuzni wěstu sumu pjenjez přepokazali, dokelž to sami bjez šmóratka činić njemóža. Wobšudnicy posrědkuja kontowe daty, kotrež pochadźeja stajnje z wukraja, a žadaja sej wjacore sta abo samo wjacore tysacy eurow.

wozjewjene w: Lokalka
Prošu přizjewće so, chceće-li komentar podać

słowo lěta 2022

nawěšk

nowostki LND