Strukturna změna transparentna

pjatk, 25. měrca 2022
artikl hódnoćić
(0 )
Wotewrjenje Swětłoweho dwora je nimo Christiana Hoffmanna projektowa managerka Diana Karbowa moderěrowała. Ze Swinjarnje pochadźaca Serbowka bě k tomu Wojerowsku ewangelsku drastu zhotowana.  Foto: Andreas Kirschke Wotewrjenje Swětłoweho dwora je nimo Christiana Hoffmanna projektowa managerka Diana Karbowa moderěrowała. Ze Swinjarnje pochadźaca Serbowka bě k tomu Wojerowsku ewangelsku drastu zhotowana. Foto: Andreas Kirschke

Wojerecy (AK/SN). We wobłuku změny strukturow chce město Wojerecy woby­dlerjow kaž tež wopytowarjow sobu za­přijeć. To je zaměr informaciskeho a zetkawanskeho centruma Swětłowy dwór w starej radnicy. „Tu móža so zajimcy wo projektach města wobhonić. Tež šulske rjadownje móža sem přińć, a to nic jeno z města“, rjekny wyši měšćanosta Torsten Ruban-Zeh (SPD) na srjedownym wotewrjenju.

Kompjuterowy muzej Konrada Zuseho je Swětłowy dwór wuhotował, Załožba łužiskeje jězoriny je z 31 000 eurami financowanje zawěsćiła.

Wo strukturnej změnje w měsće a wokolinje informuja na wulkej wirtuelnej tafli. Na njej předstajeja pjeć projektow města. Su to nowoměšćanski forum, Łužiska kupjel, změna zastaranja z ćopłotu, zwjazk pitneje wody a centrum za twarjenje a bydlenje. Hač do kónca lěta ma internetna platforma nastać. Na njej chcedźa swoje projekty strukturneje změny tohorunja předstajić, kaž projektowa managerka Sarah Stötzner rozłoži.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND