Mjenje padustwow

pjatk, 08. apryla 2022
artikl hódnoćić
(0 )
Tak kaž w tutej předstajenej scenje z kolegom móža policisća ze swojej bodycam tež swójske jednanje přepruwować.  Foto: Uwe Menschner Tak kaž w tutej předstajenej scenje z kolegom móža policisća ze swojej bodycam tež swójske jednanje přepruwować. Foto: Uwe Menschner

Zhorjelc (UM/SN). Worklecy wostanu kupa zbožownych. Z tak mjenowanej ličbu častosće 540 steji serbska gmejna na poslednim městnje kriminalneje statistiki Zhorjelskeje policajskeje direkcije za lěto 2021. Ličba poda, kelko njeskutkow, wob­ličene na 100 000 wobydlerjow, bu w běhu lěta w gmejnje zličenych. W absolutnej ličbje bě to we Worklecach runje šěsć. Na druhim a třećim městnje wotzady sćěhuja Chrósćicy (783) a Njebjelčicy (911). Cyle hinaše je połoženje w Kodersdorfje pola Zhorjelca. Tam zwěsćichu – tohorunja na 100 000 wobydlerjow wob­ličene – 16 464 njeskutkow. Tule ličbu zamući pak tankownja při awtodróhowej wotbóčce, hdźež wjele policajskich aktiwitow přewjedu a njeskutki zwěsća, kotrež z městnosću ničo činić nimaja, nawoda referata za bój přećiwo kriminaliće Zhorjelskeje policajskeje direkcije Bernhard Graul rozłoži.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND