Na naměstach a hasach swjećili

póndźela, 30. meje 2022
artikl hódnoćić
(0 )
Rejwanska skupina Łužičanka pokaza sobotu na Hłownym torhošću mjez druhim reju lutkow.  Foto: Carmen Schumann Rejwanska skupina Łužičanka pokaza sobotu na Hłownym torhošću mjez druhim reju lutkow. Foto: Carmen Schumann

Budyske nalěćo tysacy wopytowarjow do sprjewineho města wabiło

Budyšin (CS/SN). Wobydlerjo Budyšina a jich hosćo su dawno hižo na to čakali, zo móža na naměstach a hasach sprjewineho města zaso swjećić. 1018. Budyske nalěćo je kónc tydźenja tysacy ludźi do města přiwabiło. Prěni wulki wjeršk bě pjatk wustup kapały Jolly Jumper.

Na wšitkich třoch dnjach skićachu na třoch jewišćach wotměnjaty program. Hudźbna paleta sahaše wot metal přez rock a samba hač k šlagrej. Tež serbske akcenty njepobrachowachu. Tak je ­sobotu popołdnju rejwanska skupina Łužičanka ze wšelakimi poskićenjemi wšěch starobnych skupin wopytowarjow zawjeseliła. Mjez druhim pokazachu reju lutkow a Božich słónčkow. Dujerska ­kapała Horjany je tradicionalnje njedźelu na rańše piwko morawsku a serbsku ­dujersku hudźbu zahudźiła. Wčera ­popołdnju dožiwi předewšěm serbski publikum premjeru noweho pisaneho programa Smjerdźečanskeje rejwanskeje skupiny.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND