Přirodu nochcedźa woprować

srjeda, 08. junija 2022
artikl hódnoćić
(0 )
Robert Maćij pokaza, hdźe maja sćežory za planowany móst nad sprjewinym dołom pola Hrubjelčic raz stać. Čerwjene markěrowane štomy bychu so za to zhubić dyrbjeli.  Foto: Uwe Menschner Robert Maćij pokaza, hdźe maja sćežory za planowany móst nad sprjewinym dołom pola Hrubjelčic raz stać. Čerwjene markěrowane štomy bychu so za to zhubić dyrbjeli. Foto: Uwe Menschner

Wobydlerska iniciatiwa wobara so přećiwo južnej wobjězdce Budyšina

Hrubjelčicy (UM/SN). Před 15 lětami protestowachu wobydlerjo při Sprjewi z plakatami a rysowankami přećiwo tehdy planowanej zapadnej tangenće. Dróha je mjeztym dawno dotwarjena. Jenož dwaj kilometraj dale běchu minjenu sobotu podobne wobrazy widźeć. Při Sprjewinym kolesowanskim puću běchu blida nastajane, za kotrymiž ludźo diskutowachu. Jich zhromadny zaměr je sprjewiny doł před dalšim dróhotwarskim projektom zachować. Tón by hišće bóle do přirody zasahnył hač zapadna tangenta. „Tole wšitko by so zničiło, bychu južnu wobjězdku twarili“, praji Robert Maćij. Hrubjelčan je sobuiniciator akciskeho dnja. Wón pokaza na wulke duby při kolesowanskim puću a na kerčinu při rěce, kotrež skića njetopyrjam a ješćelcam žiwjenski rum. „To wšitko mamy woprować za dróhu, kotrejež zmysł spóznać njemóžemy“, praji Robert Maćij. Wšako nětko zapadna tangenta wobsteji. Wona dźě wobchad z Hornjeho kraja wokoło Budyšina do směra na awtodróhu abo do Biskopic a do Kamjenca wjedźe.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND