Kandidataj CDU prědku ležitaj poručenje

póndźela, 13. junija 2022
artikl hódnoćić
(0 )
Budyšenjo žedźa so za zaměrnej wěcnej politiku w radnicy sprjewineho města. Ze 53,9 procentami je kandidat CDU Karsten Vogt wčerawše wólby wyšeho měšćanosty dobył. Bonus mějićela zastojnstwa njeje Alexanderej Ahrensej (SPD, nalěwo) wjele pomhał. Z jeno 14,3 procentami dyrbješe wón so z třećim městnom spokojić.  Foto: Steffen Unger Budyšenjo žedźa so za zaměrnej wěcnej politiku w radnicy sprjewineho města. Ze 53,9 procentami je kandidat CDU Karsten Vogt wčerawše wólby wyšeho měšćanosty dobył. Bonus mějićela zastojnstwa njeje Alexanderej Ahrensej (SPD, nalěwo) wjele pomhał. Z jeno 14,3 procentami dyrbješe wón so z třećim městnom spokojić. Foto: Steffen Unger

Za wólby hornjołužiskeju krajneju radow budźe rozsudne koło 3. julija

We wčerawšim prěnim kole wólbow krajneju radow w Budyskim a Zhorjelskim wokrjesu staj kandidataj CDU najlěpši wuslědk docpěłoj. Tón pak njewotpowěduje absolutnej wjetšinje wotedatych płaćiwych hłosow, zo budu tak wolacy 3. julija znowa na wólbne urny wołani. Kandidataj AfD z jasnym wotstawkom na druhim městnje slědowaštaj. Wólby wyšeho měšćanosty Budyšina je Karsten Vogt (CDU) dobył.

Budyšin/Zhorjelc (SN/at). Zo je ze štyrjomi požadarjemi rozsudne wólbne koło wočakowana naležnosć, rjekny kandidat CDU za zastojnstwo Budyskeho krajneho rady Udo Wićaz. Wuslědk 38,4 procenty je za CDU najsłabši po towaršnostnym přewróće. Wićaz rěči w telefonaće na wólbnym wječoru z našim wječornikom wo „jasnym wuslědku“. Wotstawk dźesać procentow na druheho najlěpšeho pokaza „jasnje, štož sym wukonjał“. Wón njeje z tym ličił, zo wostaji kandidat AfD z tajkim wotstawkom za sobu. Swój najlěpši wuslědk je Wićaz, kiž chce 3. julija znowa nastupić, z 62,2 procentami w gmejnje Łaz docpěł.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND