Poskićuje wšo trěbne za pčołarjenje

wutora, 05. julija 2022
artikl hódnoćić
(0 )
W swojim Njeswačanskim wobchodźe poskićuje Christian Buder wšón trěbny grat, kiž pčołar za swoje wšědne dźěło trjeba.  Foto: Alfons Handrik W swojim Njeswačanskim wobchodźe poskićuje Christian Buder wšón trěbny grat, kiž pčołar za swoje wšědne dźěło trjeba. Foto: Alfons Handrik

Nimo dalšich insektow su předewšěm tež pčołki za přirodu nimoměry wažne. Často sej małe stworjenčka prawje wažić njewěmy. Tohodla so w lětnjej seriji na lokalnej stronje lětsa pilnym ­pčołkam a pčołarjam wěnujemy. (1)

Zo by sej pčołar dźěło wolóžił, trjeba za to prawy grat. Za wobstaranje tajkeho je Buderjec wobchod za pčołarsku potrjebu w Njeswačidle prawa adresa. Mjeztym ­sydom lět je tam wosebite předawanišćo, hdźež kóždy pčołar mjez šěrokej paletu poskitkow to trěbne za swoje dźěło ­nańdźe.

Po tym zo staj Buderjec mandźelskaj po towaršnostnym přewróće objekt bywšeho burskeho wikowanskeho zjednoćenstwa – tehdy znaty pod skrótšenku BHG – kupiłoj, je tam Christian Buder jako wučeny blidarski mišter swoju blidarnju zarjadował. Swójba z bliskeho Šešowa sej z druhimi wjesnjanami hłowu łamaše, čehodla běchu wunoški swojich sadowcow přewšo snadne. Wotmołwa bě jednora. W Šešowje mějachu lědma pčołki a popróšenje bě njedosahace. Tuž je sej dźensa 63lětny Christian Buder před dźesać lětami dwaj ludaj pčołkow wobstarał. Kołćej je sej blidar wězo sam natwarił.

wozjewjene w: Łužica

Galerija

dalši wobraz (1)
Prošu přizjewće so, chceće-li komentar podać

Serbska debata

nowostki LND