Z tradiciju so zwjazani čuja

póndźela, 11. julija 2022
artikl hódnoćić
(0 )
Wobdźělnikow serbskeho ewangelskeho domizniskeho dnja zawjeselichu dźěći Ćišćanskeho serbskeho dźěćaceho towarstwa mjez druhim z bantowej reju.  Foto: Andreas Kirschke Wobdźělnikow serbskeho ewangelskeho domizniskeho dnja zawjeselichu dźěći Ćišćanskeho serbskeho dźěćaceho towarstwa mjez druhim z bantowej reju. Foto: Andreas Kirschke

14. serbski ewangelski domizniski dźeń we Wojerecach a w Ćisku přewjedli

Wojerecy/Ćisk (AK/SN). Serbski ewangelski domizniski dźeń je jasne wuznaće k serbskim korjenjam regiona. Tole wu­zběhny jeho iniciator Joachim Nagel wčera na mjeztym 14. tajkim zarjadowanju we Wojerecach a w Ćisku. „W serbskej módro-čerwjeno-běłej chorhoji je barba wutroby srjedźa. Wobchowajće sej tule móc ze swojeje srjedźizny“, rjekny wón w swojich postrownych słowach. 75lětny farar na wuměnku bě jedyn z něhdźe sto wobdźělnikow.

Domizniski dźeń zahajichu z dwurěčnej Božej słužbu we Wojerowskej Janskej cyrkwi. Hudźbnje wobrubił je ju Židźinski chór. Liturgiju je Blunjanski farar dr. Stefan Reichelt hornjoserbsce čitał. ­Serbski superintendent na wuměnku Jan Malink prědowaše wo wodaću, swěrnosći a wujednanju.

wozjewjene w: Lokalka

Galerija

dalši wobraz (1) Na domizniskim dnju wobdźělichu so mjez druhim čłonojo Židźinskeje drastoweje skupiny Heike a Steven Gutsche, Simone a Karsten Raack kaž tež Katrin a Gerd Speisekorn (wotlěwa).
Prošu přizjewće so, chceće-li komentar podać

nawěšk

nowostki LND