Wot swěčkow so zakuzłać dali

póndźela, 25. julija 2022
artikl hódnoćić
(0 )
Runjewon wobkuzłaca atmosfera knježeše sobotu wječor w klóštrje Marijinej hwězdźe w Pančicach-Kukowje. Tam běchu wšelake wobrazy, z tysacow swěčkow zestajane widźeć, mjez druhim Ochranowska hwězda.  Foto: Feliks Haza Runjewon wobkuzłaca atmosfera knježeše sobotu wječor w klóštrje Marijinej hwězdźe w Pančicach-Kukowje. Tam běchu wšelake wobrazy, z tysacow swěčkow zestajane widźeć, mjez druhim Ochranowska hwězda. Foto: Feliks Haza

Wjele ludźi zahrodowu nóc w klóštrje Marijinej hwězdźe wopytało

Pančicy-Kukow (SN/MWj). Něhdźe 1 100 ludźi je sobotu zahrodowu nóc w klóštrje Marijinej hwězdźe w Pančicach-Kukowje wopytało. Wulki dźěl wsy bě z awtami zaparkowany a při kasy klóšterskeje zahrody so sčasami dołhe rynki čakacych ludźi tworjachu. Hišće dlěše rynki běchu tam, hdźež poskićowachu sobudźěłaćerjo Wawrikec cateringoweho swěta jědźe a napoje. Na nje dyrbjachu wopytowarjo zdźěla jara dołho čakać.

Tež městna před jewišćom běchu dospołnje wobsadźene, jako tam jednaćel Křesćansko-socialneho kubłanskeho skutka (CSB) a moderator Peter Neunert zabawny program připowědźi. Jón wuhotowachu spěwarka Lena-Loreen Kürschner, rejwanske studio TANZ3 a Drježdźanske jazzowy duwo Focus. Nimo Aniny Batz hraješe w nim Józef Brězan, kiž je za swojeho schorjeneho bratra Jana krótko­dobnje zaskočił. Nimo dalšich znatych spěwow zanjeseštaj wobaj serbski hit „Słónco swěć“. Derje do wječorneho programa hodźeše so wohnjowa show Las Fuegas z Kamjenicy.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND