Sobujěducy njetrjebaja hižo přez zwjazkowu dróhu

štwórtk, 04. awgusta 2022
artikl hódnoćić
(0 )
Nowe busowe zastanišćo w Budestecach přepodachu jednaćel ZVON Hans-Jürgen Pfeiffer, wjesnjanosta Markus Michauk kaž tež gmejnski radźićel a busowy předewzaćel Johannes Wilhelm (wotlěwa).  Foto: Carmen Schumann Nowe busowe zastanišćo w Budestecach přepodachu jednaćel ZVON Hans-Jürgen Pfeiffer, wjesnjanosta Markus Michauk kaž tež gmejnski radźićel a busowy předewzaćel Johannes Wilhelm (wotlěwa). Foto: Carmen Schumann

Budestecy (CS/SN). Wšitke busy, kotrež Budyšin z Hornim krajom zwjazuja, dyrbja přez Budestecy. Dohromady je jich šěsć čarow. Za čas šule zastanje cyłkownje 155 busow, w prózdninach je jich wotydźenja přeco hišće 127. W minjenymaj lětomaj na tym dźěłachu, wuměnjenja za sobujěducych a busowych šoferow polěpšić. Město dweju zastanišćow na woběmaj bokomaj zwjazkoweje dróhi B 96 maja nětko prawe busowe zastanišćo z dwěmaj přidatnymaj nastupnišćomaj. Hižo wobstejacej zastanišći su tak přetwarili, zo hodźitej so bjez zadźěwkow wužiwać. Předwčerawšim su nowe busowe naměsto přepodali. Sobujěducy, kotřiž chcedźa w Budestecach přelězć, trjebaja nětko lědma hišće dróhu přeprěčić. To je wosebje za šulerjow wažne, podšmórny wjesnjanosta Markus Michauk.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND