Z historiskimi twaršćiznami

štwórtk, 01. septembera 2022
artikl hódnoćić
(1 )
Na prózdninske domy při Čornochołmčanskim Krabatowym młynje wjesela so jednaćel Wojerowskeje bydlenskeje towaršnosće Steffen Markgraf, Heike Krupka z  Wojerowskeho měšćanskeho zarjadnistwa a jednaćel Čornochołmčanskeho Krabatoweho młyna Tobias Ćižik (wotlěwa).  Foto: Andreas Kirschke Na prózdninske domy při Čornochołmčanskim Krabatowym młynje wjesela so jednaćel Wojerowskeje bydlenskeje towaršnosće Steffen Markgraf, Heike Krupka z Wojerowskeho měšćanskeho zarjadnistwa a jednaćel Čornochołmčanskeho Krabatoweho młyna Tobias Ćižik (wotlěwa). Foto: Andreas Kirschke

Pjeć prózdninskich domčkow blisko Krabatoweho młyna nastanje

Čorny Chołmc (AK/SN). Wuchodnje dožiwjenskeho dwora Krabatowy młyn w Čornym Chołmcu nastanje pjeć prózdninskich chěžow za swójby, kotrež hodźa so cyłe lěto wužiwać. 1,3 milion eurow ma projekt płaćić. Inwestor je Wojerowska bydlenska towaršnosć. W jeje nadawku Wobau Kulowska twarska towaršnosć připrawu z bjezbarjernym přistupom twari. Krabatowy młyn Čorny Chołmc ptzwr budźe jeje najenk a wobhospodar. Towaršnosć je z 85 000 eurami na projekće wobdźělena. Nowy domicil wotewrić chcedźa klětu 4. decembra, na dnju swjateje Borbory. „To je zhromadny projekt. Z nim reagujemy na stupace wopytowarske ličby. Prózdninske domčki njebudu jenož we hłownej, ale runje tak w pódlanskej sezonje wobohaćenje“, podšmórny Tobias Ćižik, jednaćel Krabatoweho młyna Čorny Chołmc ptzwr tydźenja při předstajenju projekta we Wojerecach.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND