Awtor swoju nowu knihu wobydlerjam předstajił

Rowno (JoS/SN). Horstka wobydlerjow je minjenu sobotu na Rownjanskim Njepilic statoku dožiwiła premjeru wjesneje chroniki z pjera Gerharda Fugmanna. Witawši awtora a wopytowarjow wjesny předstejićer Matthias Jainsch rjekny, zo so w knize lětstotki dołhe stawizny wsy na jara wysokej kwaliće prezentuja. „Po wjele lětach, w kotrychž běchmy wot wotbagrowanja wohroženi, zhladujemy nětko zaso do wěsteho přichoda, w kotrymž změjemy chwile, chroniku woměrje čitać“, tak Jainsch.