Železne wrota móža ponowić

štwórtk, 08. septembera 2022
artikl hódnoćić
(0 )
Budyski Tuchorski kěrchow wobsteji klětu 500 lět. Tuchwilu tam šěsć železnych wrotow historiskich rownišćow saněruja. Za to dóstachu předwčerawšim 15 000 eurow spěchowanja.  Foto: Jürgen Männel Budyski Tuchorski kěrchow wobsteji klětu 500 lět. Tuchwilu tam šěsć železnych wrotow historiskich rownišćow saněruja. Za to dóstachu předwčerawšim 15 000 eurow spěchowanja. Foto: Jürgen Männel

Tuchorski kěrchow w Budyšinje 15 000 eurow pomocy dóstał

Budyšin (JüM/SN). Šěsć železnych wrotow wot šěsć rownišćow na Tuchorskim kěrchowje při Lubijskej dróze w Budyšinje móža nětko skónčnje restawrować. Předwčerawšim přepodachu zastupjerjo SachsenLotto a Němskeje załožby za pomnikoškit (DSD) symboliski šek we wobjimje 15 000 eurow. Wotpowědne symboliske spěchowanske zrěčenje měještaj Budyska kuratorka DSD Christa Kämpfe a regionalny nawoda SachsenLotto Rene Röder sobu a přepodaštaj jón fararjej Christianej Tiede a šefej kěrchowa Robertej Eckhardtej. Jašćanski kowar Michael Kaczmar železne wrota w swojej dźěłarni ponowja. Dohromady płaći saněrowanje 42 000 eurow. Dalše dary su potajkim rady witane.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND