Maja nowe wohnjowoborne awto

wutora, 11. oktobera 2022
artikl hódnoćić
(0 )
Farar Gabriš Nawka a fararka Susanne Aechtner staj nowe Bóščanske wohnjowoborne awto sobotu požohnowałoj.  Foto: Feliks Haza Farar Gabriš Nawka a fararka Susanne Aechtner staj nowe Bóščanske wohnjowoborne awto sobotu požohnowałoj. Foto: Feliks Haza

Bóšicy (MiR/SN). Bóščanska wohnjowa wobora wobsteji lětsa 8. oktobra dokładnje 146 lět, štož njeje jubilejna ličba. Přiwšěm bě to zańdźenu sobotu wobydlerjam gmejny hódna přičina swjećić. Wšako dósta wohnjowa wobora nowe wohnjowoborne awto. Jězdźiło bu po trochu njezwučenych měrach wrotow gratownje natwarjene. Awto je trochu dlěše a niše hač to jězdźidła su, kotrež druhe gmejny wobstaraja. „Před třomi lětami, w nowembru 2019“, tak wjesnjanosta Stanij Ryćer (rjemjesło Bóšicy), „smy jězdźidło skazali. A tež hdyž je nětko mamy, njeje wone hišće doskónčnje wuhotowane. To pak so přichodne tydźenje nachwata.“ Jězdźidło, kotrehož je Budyski wokrjes pjenježnje podpěrał, płaći něhdźe 370 000 eurow.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND