Njeswačanska kriminalka za kofejowym blidom

štwórtk, 01. decembera 2022
artikl hódnoćić
(0 )

Wětrow. Hižo sedmy raz wotmě so njedawno w loni nowo zarjadowanej gmejnskej bibliotece we Wětrowskim sydlišću čitanje z knihow pod hesłom „Literatura za kofejowej taflu“. Bywša wučerka Elke Karbinski čitaše z knihi „Wer mordet schon in der Oberlausitz?“ zapadoněmskeju awtorow Sörena Preschera a Silke Porath. Wuzwoliła bě sej čitarka mjez jědnaće w knize wopisanych kriminalnych padow tón, kotryž bě w lěće 2013 w susodstwje Wětrowa, w Njeswačidle. Muž bě sej ze skóncowanym awtom do Njeswačidła dojěł a pytaše awtoweho zamkarja.

Ze znatym poda so najprjedy do Njeswačanskeho barokneho parka, hdźež wjesnjan dalšeho znateho zetka, a wšitcy třo mužojo mortweho ze wsy wuhladachu. Wukopa so, zo bě wón sej sam najskerje lubosćinskich šmjatkow dla žiwjenje wzał. To jeho zawostajeny list dopokaza. Kriminalistaj z Budyšina potom pad přepytowaštaj a dóńdźeštaj tohorunja k rezultatej samomordarstwa.

wozjewjene w: Lokalka
Prošu přizjewće so, chceće-li komentar podać

nawěšk

nowostki LND