Za krótku chwilu přez woheń wšo přisadźiła

wutora, 06. decembera 2022
artikl hódnoćić
(0 )
Po tym zo je woheń bydlenski dom Bianki Kuckei we Wulkich Ždźarach zničił, jej na njekomplikowane wašnje Jens Kieschnick, Dietmar Arlt, Monika Langner a Marina Arlt (wotlěwa) pomhachu.  Foto: Andreas Kirschke Po tym zo je woheń bydlenski dom Bianki Kuckei we Wulkich Ždźarach zničił, jej na njekomplikowane wašnje Jens Kieschnick, Dietmar Arlt, Monika Langner a Marina Arlt (wotlěwa) pomhachu. Foto: Andreas Kirschke

Wulke Ždźary (AK/SN). Hrózbne po­dawki njedźele, 30. oktobra, ma Bianca Kuckei z Wulkich Ždźarow hišće cyle jasnje před sobu. „Krótko po 15 hodź. je so to stało. W dźěćacej stwě běchu hižo ­meter wysoke płomjenja. Mój wulki syn wo­łaše, zo je z přikrywom wjace podusyć njemóže a zo dyrbju wohnjowu woboru wołać“, powěda 55lětna z ćeńkim hłosom. Wona a synaj móžachu so runje tak wuchować. Minuty pozdźišo so cyły dom paleše. Sydom wohnjowych woborow z Łazowskeje gmejny přijědźe hašeć. Zwostali su wot bydlenskeho domu jenož wonkowne murje.

Mjeztym dźesać lět Bianka Kuckei we Wulkich Ždźarach bydli. Ze swójbu je dom krok po kroku ponowiła. Na kóncu wobnowichu kupjel. Minjene měsacy pak wosud ze swójbu derje njeměnješe. Před lětom zemrě nan Bianki Kuckei, ­lětsa w awgusće jeje mać. 29. oktobra ­pochowa wona swojeho mandźelskeho. Nazajtra so jeje dom wotpali. „Přičina drje bě skóncowany kabl, kaž smy pozdźišo zhonili.“ Jenož jónu smědźeše hišće do domu, zo by wuchowała, štož woheń zničił njebě. Bydlić w domje njemóže.

wozjewjene w: Lokalka
Prošu přizjewće so, chceće-li komentar podać

słowo lěta 2022

nawěšk

nowostki LND