Do noweho lěta pućowali

póndźela, 02. januara 2023
artikl hódnoćić
(0 )
Mnohim wobydlerjam Bóščanskeje gmejny bě wčerawše nowolětne pućowanje do Noweho Łusča spodobny zazběh do prěnjeho dnja noweho lěta. Při tym bě dobra składnosć za rozmołwu z wjesnjanostu Stanijom Ryćerjom (zady srjedźa), kiž bě ze swójbnymi wšitko organizował.  Foto: Milenka Rječcyna Mnohim wobydlerjam Bóščanskeje gmejny bě wčerawše nowolětne pućowanje do Noweho Łusča spodobny zazběh do prěnjeho dnja noweho lěta. Při tym bě dobra składnosć za rozmołwu z wjesnjanostu Stanijom Ryćerjom (zady srjedźa), kiž bě ze swójbnymi wšitko organizował. Foto: Milenka Rječcyna

Dobry wothłós na wosebity poskitk Bóščanskeje gmejny

Bóšicy (MiR/SN). W serbskich kónčinach Hornjeje Łužicy dotal drje jónkrótne je nowolětne pućowanje Bóščanskeje gmejny. W Bóšicach samych čakachu wo­bydlerjo wčera dopołdnja na přicha­dźacych z Nowych Bóšic a Wětrowa. Po dobrych přećach za lěto 2023 nóžkowachu wšitcy zhromadnje na Horu a dale do Łusča. Stajnje jenož jenički wobydler po cyłej wsy wědźeše, kotry cil pućowanje ma. „Hewak“, tak wjesnjanosta Stanij Ryćer, „snano ludźo z awtom na zetkanišćo přijědu. To pak njeje wotpohlad. Ale, zo so wobydlerjo zetkaja, bjesaduja, zhromadnje jědźa a sej na nowe lěto připija.“

wozjewjene w: Lokalka

Galerija

dalši wobraz (1) Bóščanscy dujerjo na lěsnym róžku su pućowanje hudźbnje wobrubili. Pućowacy so jim z wutrobnym aplawsom dźakowachu. Foto: Marija Šmitowa
Prošu přizjewće so, chceće-li komentar podać

słowo lěta 2022

nawěšk

nowostki LND