Halowe koparske turněry dorosta

wutora, 03. januara 2023
artikl hódnoćić
(0 )
W Ralbicach so při třoch halowych koparskich turněrach wo kóždy bul wojowaše. Na wobrazu widźimy dwubój mjez hrajerjomaj młodźiny D z Chrósćic a Njebjelčic.  Foto: Konstantin Hrjehor W Ralbicach so při třoch halowych koparskich turněrach wo kóždy bul wojowaše. Na wobrazu widźimy dwubój mjez hrajerjomaj młodźiny D z Chrósćic a Njebjelčic. Foto: Konstantin Hrjehor

Mjeztym je hižo z tradiciju, zo přewjeduja so w Ralbicach mjez hodami a nowym lětom halowe koparske turněry serbskich juniorowych mustwow starobnych klasow F, E a D. Tak přeprosychu sej Ralbičanscy Sokoljo na tute tři wubědźowanja koparske cyłki z Njebjelčic, Chrósćic, Pančic-Kukowa a Radworja. W modusu „kóždy přećiwo kóždemu“ wuhrawachu tak stajnje 15 partijow. Tule małe zjeće wšěch wubědźowanjow.

Turněr młodźiny F

Hač na koparjow Marijineje Hwězdy, kotřiž pak lětsa tež z młodźinu F scyła wonka na trawniku wo dypki njewojuja, wšitke mustwa dypkownje k prěnjemu turněrej do Ralbičanskeje ćěłozwučowarnje přichwatachu. Klóšterskich koparjow narunachu mali koparjo z Wóslinka/Skaskowa. Za někotrych z přitomnych hrajerkow a hrajerjow běše to prěni koparski turněr w hali a tuž bě wjeselo na mjezwočach jednotliwcow jara widźeć. Wšitke hry běchu napjate a dosć wurunane. Žana partija so z wjac hač třomi wrotami rozdźěla njeskónči. Zasłuženy dobyćer turněra běchu na kóncu Chróšćenjo, wosebje dobreje defensiwy dla.

Kónčny wuslědk:

1. Chrósćicy   8:2 13

2. Ralbicy běli  9:4 11

wozjewjene w: Sport
Prošu přizjewće so, chceće-li komentar podać

Serbska debata

nowostki LND