Bratraj so za dujersku hudźbu přewšo horitaj

póndźela, 09. januara 2023
artikl hódnoćić
(0 )
Čłonaj dujerskeje kapały Horjany, dwójnikaj Bosćij (srjedźa nalěwo) a Jurij Hejduška (naprawo), swjećitaj dźensa 60. narodniny.  Foto: priwatnej Čłonaj dujerskeje kapały Horjany, dwójnikaj Bosćij (srjedźa nalěwo) a Jurij Hejduška (naprawo), swjećitaj dźensa 60. narodniny. Foto: priwatnej

Štó njeby znał po cyłej Łužicy a tež zwonka njeje znatu serbsku dujersku kapału Horjany? Tute hudźbne ćěleso je nimo dalšich wosobow tež wusko zwjazane z dwójnikomaj. Hórčanskaj hólcaj, Hejduškec Jurij a Bosćij, staj so 9. januara 1963 narodźiłoj. Hižo jako dźěsći staj so jara za hudźbu zajimowałoj. Wulke zbožo tehdy w 60tych a 70tych lětach za njeju bě, zo serbski organist a kantor Handrij Wjenk jako hudźbny wučer na Ka­mjenskej hudźbnej šuli skutkowaše. Tam wučeše hudźbnje zajimowanych šulerjow na najwšelakorišich instrumentach hrać. Postara so sobu wo to, zo bu tež na našich serbskich wjeskach wotnožka hudźbneje šule załožena, mjenujcy w Chrósćicach. Z toho časa tam mnozy serbscy šulerjo najwšelakoriše instrumenty hrać wuknjechu. Hejduškec Jurij a Bosćij běštaj so za trompetu a klarinetu rozsudźiłoj.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND