TSV Wachau – Sokoł Ralbicy/Hórki 0:3 (0:2)
Zestawa hosći: Chr. Gloxyn – Matka, An. Wałda, Schultz, Šewc, Korjeńk (86. P. Šołta), Domaška, Rawš (89. Kurjat), Al. Wałda, Rachela (82. Kunze), Bejmak (89. Lešawa)
W předpolu hry domjacy w socialnych syćach wozjewichu, zo přećiwo Sokołej z Ralbic žane dobyće znate njeje. Nadźiju pak mějachu, zo so to po třoch dobyćach pospochi snano změni. Sokoljo pak chcychu swójsku miniseriju dźeržeć a sebi dalše tři dypki zachować. Hra w nazymje w Ralbicach běše jasna naležnosć. Ralbičenjo dobychu ju wysoko ze 7:0. Pola hosći pak pobrachowaše tehdy kopica hrajerjow.
