Slaviamarš lětsa kołoběh
Lětuše wutrajne pućowanje z mjenom Slaviamarš přewjedźe so prěni raz jako kołoběh, a to 3. junija. Start a cil budźetej w Hórčanskim stadionje. Přizjewjenja su pod hišće hač do 27. meje móžne. Ličba wobdźělnikow je na 300 wobmjezowana.
Kćenjowe běhi a kolesowanje
W Kamjencu přewjedu so njedźelu zaso Łužiske kćenjowe běhi a kolesowarske wubědźowanja. Přizjewjenja su hišće móžne. Běhanje: 1 km, 2 km, 6 km, 10 km, 15 km a inkluziski běh. Kolesowanje: hórski duatlon, 50 km, 80 km a 25 km. Wurisanja započnu so w 10 hodź. na Kamjenskim torhošću, kónc budźe wokoło 16 hodź.
Zestupny bój w Radworju
Prěnje koparske mustwo Sportoweho towarstwa 1922 Radwor změje njedźelu w Radworju tak mjenowanu šěsćdypkowu hru přećiwo hosćej z Porchowa. Wobaj cyłkaj stejitaj w tabulce wokrjesneje wyšeje ligi před zestupnej smužku. Wyše tuteje ominozneje linije su so we wokrjesnej lize, stafla 2, mjeztym tež Njebjelčenjo hrali. Dalše dypku chcedźa sej woni z Minakała sobu domoj wzać. Koparska hra Hory – Pančicy-Kukow so zajutřišim na Horach přewjesć njebudźe, wona bu na kónc meje přepołožena.
06.05. 13:00 Radwor II –
