Z idejemi wobaj dźělej města zwjazać

srjeda, 10. meje 2023
artikl hódnoćić
(0 )
Sobudźěłaćerce Wojerowskeho centrumoweho managementa Anja Hillmann a Carolin Gropler (wotlěwa) stej předwčerawšim swoje ideje za lěpše zwjazanje stareho a noweho města předstajiłoj.  Foto: Katrin Demczenko Sobudźěłaćerce Wojerowskeho centrumoweho managementa Anja Hillmann a Carolin Gropler (wotlěwa) stej předwčerawšim swoje ideje za lěpše zwjazanje stareho a noweho města předstajiłoj. Foto: Katrin Demczenko

Wojerecy (KD/SN). Z Łužiskim centerom a Łužiskej halu w nowym měsće, zwěrjencom a Kulturnej fabriku w starym měsće kaž tež z dalšimi poskitkami maja we Wojerecach mnohostronske móžnosće, za kotrež měło so hišće lěpje wabić a kotrež dyrbjeli so lěpje zwjazować. Runočasnje maja towarstwa, angažowani jednotliwcy a předewzaćeljo wjele idejow, kak hodźało so kulturne žiwjenje na ­woběmaj bokomaj Čorneho Halštrowa wobohaćić. Wobstejace poskitki a ideje walčkować je nadawk centrumoweho managementa. Jeho sobudźěłaćerce Anja Hillmann a Carolin Gropler stej předwčerawšim w Kulturnej fabrice swoje dźěło předstajiłoj. Pola njeju móža wšitcy zajimcy z města swoje ideje zapodać a so tak spěchowanja we wobjimje 50 procentow nadźijeć. Wo pjenjezach ze zwjazkoweho programa „Za přichod kmane nutřkowne města a centrumy“ rozsudźi přirada, kotrejž přisłušeja zastupjerjo kulturnych zarjadnišćow, měšćanskeho zarjadnistwa a měšćanskeje rady.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND