Strukturne pjenjezy za zetkawanišćo

srjeda, 31. meje 2023
artikl hódnoćić
(0 )

Jedyn z wulkich projektow města Wojerecy je so wčera na posedźenju tamnišeje měšćanskeje rady wo diskusiju postarał. W měsće ma nowy zetkawanski a kubłanski centrum nastać.

Wojerecy (AK/SN). Z młodźinskeho kluba Ossi we Wojerecach ma Nowoměšćanski forum jako zetkanišćo a kubłanišćo za dźěći, młodostnych a swójby nastać. Na wčerawšim posedźenju Wojerowskeje měšćanskeje rady je 13 radźićelow projektej přihłosowało, dźewjeć bě přećiwo tomu, pjeć so hłosa wzda. W dwójnym etaće města za 2023 a 2024 je dohromady dźewjeć milionow zaplanowane. 92 procentow spěchowanskich srědkow dóstanu z hornca za změnu strukturow. Hač do 2026 ma wšitko hotowe być. Měšćanske zarjadnistwo ma nětko koncept za wužiwanje a wobhospodarjenje Nowoměšćanskeho foruma zdźěłać.

wozjewjene w: Łužica
Prošu přizjewće so, chceće-li komentar podać

nowostki LND