Łaženje na wěžu wjeršk Sakskeho cupa 2023 było

wutora, 04. julija 2023
artikl hódnoćić
(0 )
15,50 metrow wysoka wěža a łaženje na nju z rěblom bě sobotu hłowna atrakcija wohnjowoborneho sportoweho wubědźowanja w Trjebinje.  Foto: Jost Schmidtchen 15,50 metrow wysoka wěža a łaženje na nju z rěblom bě sobotu hłowna atrakcija wohnjowoborneho sportoweho wubědźowanja w Trjebinje. Foto: Jost Schmidtchen

Trjebin (JoS/SN). Sakski cup 2023 we wohnjowobornym sporće je so minjenu sobotu w Trjebinje wotměł. Za organizowanje wulkeho podawka su tamniši ­wobornicy wjele chwalby žnjeli, dokelž běštej městnosć a technika runje tak ­derje přihotowanej kaž zastaranje, zwukowa technika a wšitko dalše. Wobdźě­liło je so 18 mustwow ze 180 wobdźěl­nikami. Mjez nimi bě 40 młodostnych w starobje pod 16 lětami. Dale je so 70 organizatorow wo bjezporočny wotběh wubědźowanjow postarało.

Najwjetše wužadanje w přihotach bě twar wjace hač 15 metrow wysokeje ­wěže, štož wotpowěduje něhdźe třiposchodowemu twarjenju. Natwariła je ju Hamorska firma, kotraž měješe dokładne měry pjeć króć wosom króć 15,50 ­metrow dodźeržeć.

wozjewjene w: Łužica
Prošu přizjewće so, chceće-li komentar podać

nowostki LND