Wojerecy (KD/SN). Lětni swjedźeń bydlenskeho drustwa „Žiwjenske rumy Wojerecy“ rěka „Remmi Demmi w parku“, a partyjowa hudźbna band Brankatschki so perfektnje za njón hodźi. Skupina je minjenu njedźelu prěni raz na tymle zarjadowanju wustupiła, a to hnydom jako hłowny akt. Ze swójskimi modernymi songami w serbšćinje a z jendźelskimi kaž tež němskimi hitami su publikumej swój projekt „Popsorben“ předstajili, kotryž wot lońšeho z radijowym sćelakom MDR Jump zwoprawdźeja.

Spěwanje, akordeon, šudrawa, gitara a druhe instrumenty zwjazuja pjeć młodych muži z třiróžka Budyšin–Wojerecy–Kamjenc wušiknje k swójskemu soundej mjez awstropopom a serbskej folkloru.