Parkowanišća a nowa stela

pjatk, 21. julija 2023
artikl hódnoćić
(0 )
Rjenje ponowjene prezentuje so wjesne hrajkanišćo w Salowje při tamnišej kapałce.  Foto: Feliks Haza Rjenje ponowjene prezentuje so wjesne hrajkanišćo w Salowje při tamnišej kapałce. Foto: Feliks Haza

Mjezybilanca Kulowskich naprawow w prěnim połlěće

Kulow (AK/SN). Město Kulow móžeše w prěnim połlěće 2023 hižo někotre inwesticije zwoprawdźić. To podšmórny komornik Mathias Kockert na zašłym posedźenju měšćanskeje rady. „W Mučowje je pućowanska šćežka hotowa. Při tym smy wobjim planowanych kóštow dodźerželi. To njeje samozrozumliwe.“ W Kulowskej lěsnej kupjeli su dypkownje k zahajenju kupanskeje sezony nowe suwadło natwarili. Bičwolejbulnišćo dósta nowe wobhrodźenje a tež hrajkanišćo su ponowili. Nimo toho su tam nětko městna za bydlenske mobile wupokazane. Dalše městna maja na parkowanišću při „Starym dwórnišću“ a na Schlossareckowym naměsće. „Tajke městno je za jónkrótne přenocowanje myslene“, komornik rozłoži. Z app „park4night“ zajimcy wšitke tři městna namakaja. „Rjany blečk a rjenje za kolesowanje. Dźakuju so městu Kulow“, rěka w prěnim komentarje.

wozjewjene w: Łužica

Galerija

dalši wobraz (1) W Sulšecach je kulturny dom nětko tak wuhotowany, zo móža tež ći bjez problemow do njeho přijěć, kotřiž su na chorobny stoł pokazani.
Prošu přizjewće so, chceće-li komentar podać

nowostki LND