Žane myto za najrjeńše awto

wutora, 25. julija 2023
artikl hódnoćić
(0 )
Za lubowarjow starych jězdźidłow bě kónc tydźenja Dubrawa pola Grodka prawa adresa, jako so tam oldtimery a wikowarjo zetkachu.  Foto: Jost Schmidtchen Za lubowarjow starych jězdźidłow bě kónc tydźenja Dubrawa pola Grodka prawa adresa, jako so tam oldtimery a wikowarjo zetkachu. Foto: Jost Schmidtchen

Lubowarjo oldtimerow a wikowarjo dźělow so w Dubrawje zetkali

Dubrawa (JoS/SN). Na terenje bywšeje milinarnje w Dubrawje (Trattendorf) pola Grodka je tamniši motorski klub minjeny kónc tydźenja na tradicionalne zetkanje oldtimerow a na wiki narunanskich dźělow přeprosył. Zličili su něhdźe 200 awtow a sto motorskich. Dale bě 80 wikowarjow zastupjenych. Jich poskitk bě tak bohaty, zo drje hišće dołho za najwšelakoriše družiny awtow dosaha. Někotryžkuli wobsedźer stareho jězdźidła bě zbožowny, zo móžeše sej tón abo tamny dźěl wobstarać.

Cyły wobłuk oldtimerow so poněčim měnja. Mjeztym njejsu to jenož awta z wuchoda a jich předchadnicy z 1920tych a 1930tych lět. Dlěje hač 30 lět po politiskim přewróće nětko tež wobsedźerjo historiskich awtow ze zapada přijědu. Drje najčasćišo zastupjeny bě VW Käfer.

wozjewjene w: Łužica
Prošu přizjewće so, chceće-li komentar podać

nowostki LND