Čerwjeny poběžk na koži

póndźela, 21. awgusta 2023
artikl hódnoćić
(0 )

Nic jenož na wsach, ale tež w městach maja mnozy domjacy skót. Něchtóžkuli nimo toho drobny skót plahuje. Wšitcy so wo strowotu swojich dwu- abo štyrinohatych lubuškow prócuja. K tomu ­přinošować chce naša serija z pokiwami z weterinarneje mediciny. (13)

Štóž je zbožo měł, zo bě w času knježaceje afriskeje swinjaceje mrětwy tola prosatko abo dwě k wukormjenju dóstał, njech je přiwšěm warnowany před dalšej strašnej chorosću swini. Byrnjež afriska swinjaca mrětwa často z ćežkim scho­rjenjom skotu zwjazana była, njeje wona za čłowjeka strašna. Hinak je to, jeli pola swinjeća čerwjeny poběžk (Schweine­rotlauf) wudyri. Tež tale chorosć da ­swinjo pod zymicu so třasć, apetit scyła wuwostanje a bjezmócne leži skoćo po cyłej swojej dołhosći na zemi.

Zawinowar je bakterija Erysipelothrix rhusiopathie. Wony njelubozny hósć pak zdobom tež ptački, wowcy, konje, ho­wjada atd. nadpadnje. Tež čłowjekej, kotryž inficěrowany skót zastaruje, hrozy strach, zo so natyknje. Rěčimy tu wo tak mjenowanej „zoonosy (= wubudźak chorosće, kotraž móže so wot zwěrjeća na čłowjeka přenjesć a nawopak)“.

wozjewjene w: Łužica
Prošu přizjewće so, chceće-li komentar podać

nowostki LND