Prěni raz z winowej kralownu

póndźela, 28. awgusta 2023
artikl hódnoćić
(0 )
Florian Bejmak je na winowym swjedźenju w Pěskecach wjele serbskich a słowjanskich spěwow z akordeonom přewodźał.  Foto: Jan Hrjehor Florian Bejmak je na winowym swjedźenju w Pěskecach wjele serbskich a słowjanskich spěwow z akordeonom přewodźał. Foto: Jan Hrjehor

Pěskecy (JH/SN). Hłownaj iniciatoraj třećeho winoweho swjedźenja w Pěskecach Křesćan Bejmak a Fabian Korjeńk běštaj sobotu wječor samaj překwapjenaj, jako přidruži so jimaj po witanju hosći ně­hdyši Njebjelčanski farar Michał Brězan. Wostrowčan bě zhromadnje z Wojerowčanom Křesćanom Bulankom do Pěskec přijěł a dwójku Korjeńk/Bejmak z wosebitym namjetom překwapił. „K wino­wemu swjedźenjej słuša tola winowa kralowna w rjanym šaće, abo?“, rjekny duchowny na wuměnku předsydźe Sportoweje jednotki Pěskecy Fabianej Korjeńkej. A njetraješe dołho a prěni muž na čole Pěskečanskich sportowcow ćehnješe jako paža předrasćeny z winowej kralownu Michaelu I. do wulkeho swjedźenskeho stana. Wobaj so pokłoništaj, sej winko připištaj a hosćom pod nawodom akordeonista Floriana Bejmaka serbski walčik „Hanka, budź wjesoła“ zarejowaštaj.

wozjewjene w: Łužica
Prošu přizjewće so, chceće-li komentar podać

nowostki LND