Lěpše wuměnjenja za woboru

póndźela, 11. septembera 2023
artikl hódnoćić
(0 )
Wjeselili su so kameradojo Brězowskeje wohnjoweje wobory minjeny štwórtk, jako bě jasne, zo woni nowu gratownju dóstanu.  Foto: Andreas Kirschke Wjeselili su so kameradojo Brězowskeje wohnjoweje wobory minjeny štwórtk, jako bě jasne, zo woni nowu gratownju dóstanu. Foto: Andreas Kirschke

Prěnje nadawki za nowu wohnjowobornu gratownju přepodali

Brězowka (AK/SN). W lěće 2024 chcedźa w Brězowce nowu modernu wohnjowobornu gratownju twarić. Na swojim zašłym posedźenju je Dźěwinska gmejnska rada nadawkaj za planowanje objekta a za planowanje statiki přepodała. Wobaj nadawkaj dósta inženjerski běrow z Krušwicy.

Nowotwar je nuznje trěbny, přetož w tuchwilnej jězdźidłowej hali pódla pěstowarnje „Baćonjace hnězdo“ je mało městna za předrasćenje. Nimo toho je pod halu rumnosć pěstowarnje. „Najwjetši problem je statika“, rjekny Olaf ­Hanusch, kiž mjeztym šěsć lět Brězowsku wohnjowu woboru nawjeduje. „Pod tuchwilnymi wuměnjenjemi je statika wěsta, nic pak, jeli nowe moderne a ćežke jězdźidło dóstanjemy. A runje wo tajke so prócujemy.“

wozjewjene w: Łužica
Prošu přizjewće so, chceće-li komentar podać

nowostki LND