Mjelčo protestujo so wobaraja

štwórtk, 02. nowembera 2023
artikl hódnoćić
(0 )
Mułkečanski wysokonasyp je woblubowane wulětnišćo Mułkečanow a we wokolinje bydlacych ludźi. Mjeztym pak planuja nastajenje solarnych připrawow na přirodnej ležownosći. Přećiwo tomu so pak syła ludźi wobara. Na pućowanju po nasypje su zajimcy, mjez nimi tež Edith Pjenkowa (naprawo) wo wužitku lěsa zhonili. Foto: Joachim Rjela Mułkečanski wysokonasyp je woblubowane wulětnišćo Mułkečanow a we wokolinje bydlacych ludźi. Mjeztym pak planuja nastajenje solarnych připrawow na přirodnej ležownosći. Přećiwo tomu so pak syła ludźi wobara. Na pućowanju po nasypje su zajimcy, mjez nimi tež Edith Pjenkowa (naprawo) wo wužitku lěsa zhonili. Foto: Joachim Rjela

Na pućowanju po Mułkečanskim wysokonasypje

Mułkecy (jrl/SN). Lěs ma wulku hódnotu, nic jeničce za nas čłowjekow, ale tež za zwěrinu a rostliny. Wón spjelnja mnohe funkcije, z kotrychž na wšelake wašnje profitujemy. Tuž je rozsudne, zo z lěsami kedźbliwje a na wudźeržliwosć hladajo wobchadźamy. Čim wjace wo lěsu wěmy, ćim lěpje rozumimy, zo mamy jón škitać a zo nimamy jón ničić. To běše dopóznaće z pućowanja po Mułkečanskim wysokonasypje, kiž je w swojim dalšim wobstaću wohroženy. Wobydlerjam načinja starosće, ručež słyša, zo ma so na wysokonasypje w Mułkecach něhdźe 120 hektarow lěsa trjebić (roden). Na tym městnje maja so w přichodźe solarne připrawy nastajić, štož rěka, zo ma so lěs ze solarnymi připrawami „narunać“. Tuž je zjednoćenstwo Mułkečanski wysokonasyp swojich čłonow kaž tež dalšich zajimcow z wokolnych wsow a města njedawno na pućowanje po nasypnišću přeprosyło. Tam su nimale njedótknjenu přirodu dožiwili. Domoródni mjenuja tutu kónčinu tež „zelene płuca“ Hornjeje Łužicy.

wozjewjene w: Łužica
Prošu přizjewće so, chceće-li komentar podać

nowostki LND