Loni su šulerjo Radworskeje wyšeje a zakładneje šule nałožk swjateje Borbory prěni raz swjećili. Lońša premjera pak měła so w Radworja a wokolinje z tradiciju stać.

Radwor (SN/BŠe). Poprawom spominamy hakle dźensa, 4. decembra, na swjatu Borboru. Šulerjo Radworskeje zakładneje a wyšeje šule „Dr. Marje Grólmusec“ su tradiciju hižo předwčerawšim pěstowali a so do wokolneju wsow Lutobča a Chelna kaž tež na Radworsku nawjes podali. Za to běchu chowancy minjene tydźenje program ze spěwami nazwučowali. Tež dujerjej běštaj mjez nimi. Jako palčiki předrasćene a z latarničku w rukomaj woni swjatu Borboru, kotraž dźěći žohnowaše, přewodźachu.