Gmejna Halštrowska Hola nadźija so přidatnych dochodow

Hory (AK/SN). Na něhdźe 60 hektarach płoniny ma mjez Narćom a Čornym Chołmcom solarny park nastać. Firma 1A-Solar-Projekt ze Schweinfurta chce tam inwestować. Wužiwać chcedźa bywši teren hotowostneje policije ze składom, bunkerami a stražnymi wěžemi. Dale chcedźa solarny park na susodne pola a łuki rozpřestrěć. Jako ekologiske wurunanje ma 23 hektarow noweho lěsa nastać. K tomu je so wjetšina gmejnskeje rady Halštrowskeje hole wutoru wuznawa a wotwažowanje zapodatych stejišćow kaž tež wustawki wobzamknyła. Z tym móže so projekt zwoprawdźić.