Sakska serbska rada ze zastupjerjemi Serbskeho sejma rěčała

Budyšin (SN/mb). Wšo, štož Serbow nastupa, słuša do Serbskeho zakonja. To měni Marko Suchy, předsyda Rady za serbske naležnosće Sakskeje. To płaći mjez druhim za kubłanje abo, kaž radźićel Julian Nyča přispomni, za prašenja digitalizacije. Serbski zakoń běše jedna z temow rozmołwy ze zastupjerjemi Serbskeho sejma, kotřiž běchu wčera na dźěłowe wuradźowanje serbskeje rady w Budyskim Serbskim domje přišli. Kaž Suchy praji, ma Serbski zakoń w přichodźe něšto kaž „serbska wustawa“ być.