Na mapje steješe napis „Pismowe proby“. Nichtó njebě sej myslił, zo chowa so w njej woprawdźity pokład. W Budyskim měšćanskim archiwje měješe měšćanski archiwar Rico Heyl zbožo, zo je w runje wonej mapje kedźbnosć zbudźacu namakanku našoł.

Budyšin (CS/SN). W mapje ležeše štyri strony wopřijacy, we łaćonšćinje spisany noticny zešiwk, z časa wokoło lěta 1400. Pozdaću dźe wo zapiski čitanja, w kotrymž běchu so přitomni z wobličenjom časa a kalendra zaběrali.