W přirodźe serbsce wuknyli

wutora, 27. februara 2024
artikl hódnoćić
(0 )
Derje wopytane bě sobotu pućowanje kołowokoło Brězowskeho jězora z dr. Hyncom Rychtarjom a Julianu Kaulfürstowej (wotlěwa).  Foto: Andreas Kirschke Derje wopytane bě sobotu pućowanje kołowokoło Brězowskeho jězora z dr. Hyncom Rychtarjom a Julianu Kaulfürstowej (wotlěwa). Foto: Andreas Kirschke

Pućowanje wjedźeše wokoło Brězowskeho jězora

Brězowka (AK/SN). Jara dobry wothłós měješe sobotu přeprošenje rěčneje motiwatorki Juliany Kaulfürstoweje na zymske pućowanje wokoło Brězowskeho jězora. „19 wobdźělnikow je přišło. Telko hišće ženje njeběchmy“, so wona wjeseleše. Dwě hodźinje trajace pućowanje wjedźeše po 6,5 kilometrach wokoło jězora. Kóždy wobdźělnik dósta łopjeno z wokablemi, sadami a pućowanskimaj spěwomaj. Dźakowano QR-codej móžachu sej wobdźělnicy doma słowa a sady hišće raz naposkać.

Štwórty raz je Juliana Kaulfürstowa tajke pućowanje organizowała. Loni w měrcu nóžkowachu wot Trjebina do Běłeje Wody. W juliju slědowaše lětnje pućowanje wokoło Dźěwina a w nowembru běchu Mułkecy wuchadźišćo. „Mój zaměr je, zo ludźo na hinaše wašnje kontakt k serbšćinje nazhonja hač w rěčnym kursu abo w kulturnym programje. Na pućowanju móžeš nawuknjene słowa hnydom praktisce nałožować. W přirodźe a w zhromadnosći serbsku rěč lěpje wuknješ“, motiwatorka měni.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND