Hódnotny dar do jutrow

srjeda, 27. měrca 2024
artikl hódnoćić
(0 )
Helfried Knopsmeier (naprawo) zanjese ze swojimi hudźbnymi kolegami w Budyskej serbskej cyrkwi prapremjernje swójsku kompoziciju „Stabat mater“.  Foto: Maćij Bulank Helfried Knopsmeier (naprawo) zanjese ze swojimi hudźbnymi kolegami w Budyskej serbskej cyrkwi prapremjernje swójsku kompoziciju „Stabat mater“. Foto: Maćij Bulank

Budyšin (CRM/SN). Jako hódnotny dar k zazběhej swjateho tydźenja hódnoćeše tachantski farar Wito Sćapan pasionski nyšpor bołmončku nawječor w Budyskej Cyrkwi našeje lubeje Knjenje. Ćežišćo hodźiny sakralneje hudźby w póstnym času, kiž so hižo wjele lět w měšćanskej Serbskej cykwi poskićuje, běše tónraz prapremjera sekwency „Stabat mater“ Budyskeho cellista a komponista Helfrieda Knopsmeiera.

Wón hraješe dotal stajnje w Smochčanskim kubłanišću swj. Bena z dalšimi smyčkarjemi Serbskeho ludoweho ansambla a skupiny Chordophone na Wulkim pjatku wot sławnych italskich mištrow a tež dalšich wuznamnych komponistow zhudźbnjenu baseń, pochadźacu prawdźepodobnje z 13. lětstotka. W sławnym duchownym poemje „Stabat mater dolorosa...“ wobspěwa so ćerpjenje Jězusa Chrystusa z perspektiwy jeho maćerje Marije – kaž znajemy to tež z kěrlusa „Stała mać je bolosćiwa“.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND