Stawnistwo za město a gmejnu

štwórtk, 28. měrca 2024
artikl hódnoćić
(0 )

Zo njeby kóžda komuna wšitke jej napołožene nadawki spjelnić dyrbjała, dźěłaja města a gmejny we wěstych wobłukach hromadźe. To činitej nětko tež Budyšin a Hodźij.

Budyšin (CS/SN). Gmejna Hodźij a město Budyšin wutworitej zhromadny stawniski wobwod. To je Budyska měšćanska rada wčera jednohłósnje wobzamknyła. Susodna gmejna je so na sprjewine město z wotpowědnej próstwu wobroćiła, dokelž so tamniša stawnica na wuměnk poda. W gmejnach z mjenje hač 5 000 wobydlerjemi so njezadani, měć swójsku stawnicu abo swójskeho stawnika. Hodźij ma jenož něhdźe 3 000 wobydlerjow, štož woznamjenja jenož mało padow k wobdźěłanju. Dokelž je za městno stawnika kwalifikowany personal wuměnjenje, njemóža prosće dalši sobudźěłaćerjo zarjadnistwa zaskočić.

wozjewjene w: Łužica
Prošu přizjewće so, chceće-li komentar podać

Serbska debata

nowostki LND