„Wjesołe póndźele“ wčera na Žitnych wikach w Budyšinje zahajene

Budyšin (SN/bn). „Happy monday Bautzen – Wjesoła póndźela Budyšin“ rěka rjad kulturnych a wuměłstwowych zarjadowanjow, kotryž bu wčera na Žitnych wikach sprjewineho města zahajeny. W mjenje organizatorow – mjez dohromady wjace hač 50 rjad wuhotowacymi towarstwami, iniciatiwami, socialnymi a dobroćelskimi zwjazkami, cyrkwjemi a kulturnymi zarjadnišćemi su na přikład Rěčny centrum WItaj, Kamjentny dom, Serbski ludowy ansambl a dźěłarnistwo DGB – powitaštaj Katja Gerhardi a Julian Nyča něhdźe 300 wopytowarjow wuzběhnywši, zo „njejedna so wo demonstraciju, ale wo kulturne zarjadowanje. Chcemy sposrědkować signal, zo je Budyšin wjelorake, wotewrjene, tolerantne a pisane město, kotrež so za demokratiske hódnoty zasadźuje.“