Pěskečanske sportowe towarstwo swój sportowy dom na kromje wsy krok po kroku ponowja. Njedźelu je so tam wjele ludźi wo tym přeswědčiło, što su sportowcy w zadnim dźělu twarjenju nowe stworili.
Pěskecy (SN/MWj). Něhdźe 70 ludźi je njedźelu do Pěskečanskeho sportoweho domu přichwatało. Tam přepodachu dospołnje ponowjene sanitarne připrawy, kotrež móža tež zbrašeni wužiwać. K tomu je Njebjelčanski farar Michał Nawka dom, w kotrymž je nětko tež swjaty křiž, požohnował. Předsyda Fabian Korjeńk witaše mjez druhim zapósłanca Sakskeho krajneho sejma Alojsa Mikławška (CDU). Jeho móžna naslědnica Elaine Jenčec wopytowarjow tohorunja serbsce postrowi. Přitomni běchu wjacori aktiwni wjesnjenjo, kotřiž su towarstwo a sportowy dom sobu natwarili.
