Po pjeć lětach zaso w třećej lize

srjeda, 22. meje 2024
artikl hódnoćić
(0 )
Mjez přiwisnikami Energije běchu tež tójšto z Hornjeje Łužicy. Tak na přikład: Alexandra Šołćina, Tomaš Cuška, Dominik Cuška, Richard Kmjeć a Christiane Brinklec (wotlěwa). Woni smědźachu samo do nutřkowneho ruma stadiona.  Foto: Mia-Katharina Hrjehorjec Mjez přiwisnikami Energije běchu tež tójšto z Hornjeje Łužicy. Tak na přikład: Alexandra Šołćina, Tomaš Cuška, Dominik Cuška, Richard Kmjeć a Christiane Brinklec (wotlěwa). Woni smědźachu samo do nutřkowneho ruma stadiona. Foto: Mia-Katharina Hrjehorjec

Hertha BSC II –

FC Energija Choćebuz 0:2 (0:2)

Zestawa FC Energije: Bethke – Slamar, Campulka, Hildebrandt, Bretschneider, Putze (69. Pelivan), Hofmann, Hasse (78. Juckel), Proničew, Heike, Krauß (69. Halbauer)

wrota: 0:1 Putze (15.), 0:2 Proničew (24.)

Po tym zo je FC Energija Choćebuz, tydźenja doma šansu postupić ležo wostajiła, poradźi so jej na poslednim hrajnym dnju regionalneje ligi wuspěch 2:0 pola Herty BSC II. Z tym je FCE z třomi dypkami předskoka mišterstwo w regionalnej lize sewjerowuchod za sebje rozsudźiła a postupi z tym direktnje do třećeje najwyšeje němskeje koparskeje klasy.

Přewodźana wot 8 000 fanow sadźi FCE po měrnym starće hižo bórze akcenty, kotrež buchu zahe přez wrota Joshua Putze mytowane. Dźesać mjeńšin pozdźišo wodźeše Maximilian Proničew bul wušiknje do wrotow domjacych. Tež bjez Timmy Thiele, kotryž pjateje žołteje karty dla hrać njesmědźeše, běžeše nadběhowa mašinerija na wysokich turach, njeposkićejo domjacym žanu šansu.

wozjewjene w: Sport
Prošu přizjewće so, chceće-li komentar podać

nowostki LND