Tež Radworski předewzaćel so na Bjerwałdskim jězoru angažuje
Hamor (AK/SN). Na Bjerwałdskim jězorje ma wot septembra łódź za pasažěrow z mjenom „Bärwalder Seelust“ jězdźić. Wobhospodar je nowozałoženy zawod Bjerwałdska łódźna tzwr. Předewzaćelej Patrick Schmidt (mějićel busowe wozydłownistwo Schwarz w Hähnichen a busoweho wozydłownistwa Schmidt-Schwarz w Radworju) a Bernd Budi (mějićel předawarnje awtow Mazda-Arndt w Zhorjelcu) staj firmu załožiłoj. Hamorska gmejnska rada wčera jednohłósnje zrěčenje za wužiwanje mjez komunu Hamor a Bjerwałdskej łódźnej tzwr wobzamkny. Zrěčenje wot 1. septembra płaći. Pisomne přihłosowanje Łužiskeho a srjedźoněmskeho hórnistwoweho zarjadnistwa (LMBV) a Swobodneho stata je hišće trěbne.
