Z tutym rjadom přinoškow chcemy wam měsačnje poručeć, što móžeće w zahrodce abo w rostlinarni zdokonjeć. Přejemy wam wjeselo při dźěle a radosć při wobkedźbowanju toho, štož pod wašimaj rukomaj narosće.

Horce temperatury zašłych dnjow nje­dadźa nas hišće přejara na bližacu so nazymu myslić. Štóž ma melony w zahrodce, móhł je nětko žnjeć. Lětnje začuće ­tola dźakowano zašłym horcym dnjam tak a tak hišće tróšku mamy. Što pak steji hišće na žnjenskim planje? Wysoke buny, cukinije, tomaty, kórki, kukurica a kirbsy.