Wojerecy (AK/SN). Wot lěta 1961 wobstejacu Lipowu šulu chce město Wojerecy wobšěrnje saněrować a rozšěrić. Tole je měšćanska rada wčera jednohłósnje rozsudźiła. Nastać ma třičarowa zakładna šula za 336 dźěći. Z toho móže sto holcow a hólcow němčinu jako druhu rěč wuknyć, 40 městnow je za dźěći z problemami w emocionalnym a socialnym wuwiću zaplanowanych. Kubłanišćo změje nimo toho sto hortowych městnow. Twarske kóšty trochuja na něhdźe 13,6 milionow eurow. „Jako přichodne planowanje po wšej Europje wupisamy. To ma dohromady poł lěta trać“, rozłoži nawoda twarskeho wotrjada města Dietmar Wolf. „Zaměr je, zo w awgusće 2026 próstwu wo spěchowanje přez program za šulsku infrastrukturu zapodamy“, wón dale rjekny.