Astrocentrum Łužica podpěruje přichodny nowy planetarij we Wojerecach

Wojerecy (AK/SN). Planowany Wojerowski planetarij, kotryž změje w přichodnym Nowoměšćanskim forumje swoje doma, budźe zdobom centrum wědy. To su měšćanscy radźićeljo z wjetšinu 19 hłosow wutoru na swojim posedźenju wobzamknyli. Dohromady dźewjeć radźićelow bě so hłosa wzdało, přećiwo planej so nichtó wuprajił njebě.