Hórnikecy (AK/SN). Hórnikečanska energijowa fabrika je za lětuši mjezynarodny muzejowy dźeń 18. meje přihotowana. Tón dźeń chce tamniše spěchowanske towarstwo zjawnosći nowostce předstajić. W minjenych tydźenjach nasta 22 stabilnych informaciskich tafličkow za płót wokoło energijoweje fabriki. Na tafličkach su rozłožene motiwy wuwoznych mostow, kotrež su něhdy we łužiskich brunicowych jamach dźěłali. Motiwy su jako sćinorězby na płoće widźeć. Zdobom nasta štyri mjeńšiny trajacy film wo zasadźenju wuwoznych mostow a bagrow. Woboje nasta na iniciatiwu spěchowanskeho towarstwa. Załožba łužiskeje brunicy je projektaj financowała.